Cambeos de Google pa smartphones

El blogue oficial pa Webmasters de Google publicó ayeri un post nel que da anuncia d’una riestra de cambeos nos rankings de resultaos nes busques pa smartphones. Nun fai falta ser especialmente espabiláu p’atalantar qu’esos cambeos van afectar negativamenta al ranking de los sitios web que nun tengan configurada bien la so versión móvil. A la fin, una razón más p’apostar pol diseñu web responsable o adaptativu (responsive web design) nos nuestros sitios web.

Google quier diseñu responsable

Google responsive

Estas son delles idees fundamentales que apaecen na entrada del blogue de Google:

Redirecciones errónees: Dellos sitios web tienen URL’s distintes pa la versión d’escritoriu y pa la versión pa móvil o tablet. Alcuando, la URL orixinal redirixe a conteníos que nun se correspuenden col conteníu orixinal, enllazando siempre a una páxina inicial pa la versión móvil. Esto va ser considerao por Google como un erru qu’allanca la secuencia de navegación del usuariu y puede llevar a que ésti abandone’l sitiu web. Poro, les redirecciones han llevar al usuariu a conteníos equivalentes pa la versión móvil. Una vegada más, la solución tamién podría pasar por un diseñu web responsable

Erros específicos de la versión móvilOtru fallu más común de lo amañoso ye l’apaición d’erros al intentar entrar  nun conteníu dende la versión d’escritoriu a la versión móvil o viceversa. Nel post menciónense los errores 404 al dir dende una páxina en versión móvil a otra en versión d’escritoriu. Esti erru íguase incluyendo una redirección al conteníu na versión correspondiente (o equivalente). 

  • Si nun tenemos un conteníu equivalente pa la versión móvil, val más enllazar cola portada del sitiu móvil. Pero, como s’indica anantes, lo meyor ye disponer d’una versión equivalente pa cada dispositivu.
  • Usu incorrectu del Googlebot mobile deriva nun bucle infinitu. Nel post desplíquenlo asina: “Un erru típicu ye cuando Googlebot-Mobile pa smartphones fai una redirección incorrecta a la páxina web optimizada pa smartphones que, al tiempu, redirixe Googlebot-Mobile pa smartphones otra vez al sitiu d’escritoriu. Esto da como resultáu un bucle infinitu de redirecionamientos, que reconocemos como erru“.
  • Otro fallu comentáu davezu ye l’amiestu de vídeos que nun se pueden reproducir en ciertos smartphones. Nun ye raru l’usu del reproductor de Flash en dispositivos iPhone o en versiones de Android 4.01 o superiores.
  • Como ye vezu nos post del Google Webmaster Central, éstos vienen con una retafila de enlaces axuntaos que nos faciliten les coses, como esta llista problemes habituales nos sitios pa smartphones.  



 

 

Di dalgo

Tu direccin de e-mail no ser publicada. Los campos obligatorios van marcaos en gris

Puedes utilizar estos atributos de HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>