Entender el SEO

L’acrónimu SEO  (del inglés Search Engine Optimization) ta en boca tol mundu d’un tiempu p’acá. Clientes y alumnos/es suelen preguntame cuestiones relatives a esta materia y, nos más de los casos, sintieron “voces nel castañéu“… bastante llonxanes. L’oxetivu d’esti post ye’l d’esclariar dellos conceptos básicos qu’ayuden al llector/a a pescanciar qué ye’l SEO, partiendo de la idea, comúnmente aceptada, de que tamos ente una de las claves p’algamar l’ésitu n’internet.

SEO o posicionamiento orgánico en buscadores

SEO o posicionamientu orgánicu en buscadores

Hai lliteratura abondo sobre esta materia, pero vamos empezar cola Wikipedia que define al SEO como:

El procesu d’ameyorar la visibilidá d’un sitiu web nos resultados orgánicos de los diferentes buscadores.

Polo tanto, el SEO fai referencia a un conxuntu de técniques y procesos aplicaos a los nuestros sitios web col envís de meyorar la posición na que van mostrase nos buscadores como Google. Y nun ye sólo la posición, sinón tamién la calidá de la información mostrada pa que ésta exerza de “ganchu” ente’l nuestru cliente potencial.

Esta meyora nel posicionamientu nos buscadores implica l’atropar tráficos mayores a la nuestra web que pueden dar nuna mayor tasa de conversión (dende suscripciones a servicios de noticies a ventes al traviés d’un ecommerce, pasando per un mayor númberu d’impresiones publicitaries) o la medría nel volume de ventes.

Hai que recalcar otru factor mui importante a la hora de un meyor posicionamientu web: el trabayu de marketing en redes sociales. Y ye que yá tien una gran incidencia nel posicionamientu orgánicu en buscadores. Por exemplu, Google ya inclúi conteníos de los medios sociales nos resultados de les busques de los usuarios.

Google cuenta, desde hai años, con un sistema pa midir la relevancia de les páxines llamáu PageRank al que podríemos añedir un supuestu SocialRank, deriváu de los medios sociales. Google desmintió públicamente esta afirmación, pero los fechos demuestren que la presencia nes redes sociales ayuda enforma a meyorar el posicionamientu.

Google axunta más del 95% de les busques n’España. Cualquier otru buscador tien una presencia nel mercáu español perescasa (el buscador de Microsoft, Bing, algama un probe 1,66% y Yahoo queda col 1,03%)

Gráfico de uso de buscadores en España

Buscadores más usaos n’España

Con too, vamos parar nuna retafila d’estadístiques que van ayudanos a pescanciar meyor la importancia de posicionamientu orgánicu nos buscadores:

Porcentaje de clicks por orden del resultado

Porcentaxe de clicks per orde del resultáu

  • El primer resultáu de Google lleva’l 53% de los clics. El segundu resultáu algama’l 15% y el terceru’l 9%.
  • El 93% de les esperiencies en llínea vienen d’una busca.
  • El 75% de los usuarios nunca pasen de la primer páxina de resultaos d’una busca.
  • La mayoría de los usuarios de buscadores escueyen resultaos orgánicos (el 70%), en cuenta d’escoyer los resultaos de pagu o patrocinaos.
  • Un 42% de los usuarios calca nel primer resultáu.
  • 3 busques de cada 5 ya se faen con dispositivos móviles (smartphones y tablets).

Más p’allá de los datos, tenemos de conocer les razones poles qu’apostar pol posicionamientu orgánicu nos buscadores. Delles son estes:

  • Un buen posicionamientu SEO va repercutir nel aumentu del númberu de visites al nuestru sitiu web. Qu’eses visites dean n’ingresos o conversiones depende de nivel d’optimización de los conteníos y del diseñu del sitiu web.
  • El SEO puede repercutir positivamente nel nuestru Branding o imaxe de marca. Na midida en que podamos xenerar resultaos nes busques con referencies positives hacia la nuestra marca o productu, vamos tar tapeciendo les de traza más negativa o llaceriosa.  Los primeros resultaos del buscador tamién suelen asociase a productos o marques importantes.
  • El SEO tiende a ser acumulativu: Si conseguimos posicionar una riestra de palabres clave nes posiciones más altes, vamos sacar buenos resultados nes busques d’otres palabres clave relacionaes, no que se denomina “efectu Halu
  • El SEO ye baratu: En comparación con otros tipos de marketing online el SEO puede resultar baratu si escoyemos bien les palabres clave y xeneramos conteníos de calidá que se traduzan n’enllaces a la nuestra web. Con too y con ello, el SEO nun ye siempre baratu: hai sectores onde topamos una competencia xabaz que fai difícil l’ésitu, sobremanera nel cortu o mediu plazu.
  • Repercute positivamente n’otros aspectos de la web: una web orientada al SEO suel aportar beneficios a nivel de accesibilidá web. Los diseños tamien suelen ser adaptables o responsivos, faciendo más amañosa  la visualización en dispositivos como móviles o tablets. Les técniques SEO eviten l’usu de tecnoloxíes non-indexables o que nun respeten los estándares del consorciu W3C.

En prósimos artículos vamos tratar de les diferencies entre’l SEO y el SEM o el funcionamientu y les revisiones del algoritmu de Google.

No hay comentarios Permalink

Di dalgo

Tu direccin de e-mail no ser publicada. Los campos obligatorios van marcaos en gris

Puedes utilizar estos atributos de HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>