L’analís de situación nel plan de Social Media

Nesti artículu voi parar nún de los aspectos más importantes a la hora d’ellaborar un Plan de Social Media. Trátase del análisis de situación. Primero de llegar a esti pasu ta claro que yá dimos otros como la definición d’oxetivos y del target. Tres del analís de situación habría qu’encarar la puesta en marcha del plan y la so posterior monitorización. Sicasí, anantes d’entamar la implementación d’una campaña, hemos facer un analís perfondu de la situación de la nuestra marca, productu o empresa nes redes sociales, pero también de la situación de la nuestra competencia y del públicu oxetivu.

Podemos dividir l’analís de la situación en tres bloques:

  • La nuestra marca: Preguntas cencielles: ¿Qué tamos faciendo o dexando de facer cola nuestra marca? ¿Cómo ye la nuestra presencia nes redes sociales y qué se tá diciendo de nós? ¿Qué tresmite la nuestra presencia web (en web/s corporativa, blogues, etc.)? ¿Tán estos elementos coordinaos o alliniaos p’algamar unos objetivos? ¿Tán tamién coordinados con una política de marketing o comunicación global? ¿Hai procesos de siguimientu y monitorización furrulando? Les variables pueden ser munches, pero resúmense en cuntar con una cartografía sobre la nuestra reputación online.
  • Tendencies: Tenemos de conocer qué se tá “cociendo” nos medios sociales. Qué penetración tien internet nel nuestru mercáu, nos dispositivos nuevos, qué usu se tá faciendo d’internet, variables sociolóxques (rangos d’edá, xéneru, poder adquisitivu…). A la fin, analizar toles variables que directa o indirectamente son a afectar a la nuestra marca o productu. Pa conocer les tendencies nos Social Media, vamos usar ferramientes como Google Trends o IceRocket Trends, tamién les busques en Google o’l siguimientu de les redes sociales.
  • Competencia: Esta parte del analís de la situación tamién tá enllazada al analís de la nuestra marca y de les tendencies nos Social Media. Falamos de facer un estudiu cualitativu y cuantitativu de la presencia de la competencia nos medios sociales que incluya métrique, pero tamién un resume de les sos estratexes nesos medios no tocante a losinstrumentos utilizaos, estilu o llinguaxe, etc.  Con ello vamos poder identificar los sos puntos débiles y erros (pa nun repitilos), conocer el perfil de la so comunidá (que puede ser asemeyada a la nuestra), conocer les sos acciones d’ésitu pa, a la fin, ser quién a algamar una ventaya competitiva.Plan de Social media - Análisis de situación

Pa ello tenemos qu’emplegar ferramientes de monitorización (como KLOUT, Kred…)  o otres que nos van permitir comparar y conocer la evolución de followers o fans en Twitter y Facebook, TwitterCounter (evolución de los followers en Twitter d’una cuenta), Tweetreach (l’impactu de les publicaciones d’una cuenta), etc. Amás esisten ferramientes de pagu como SocialBro que xeneren un analís más fonderu ya integral de la situación de la nuestra marca y de la competencia. Recalcar también el fechu de que delles redes sociales como Facebook tán amestando instrumentos mui amañosos como la opción de páxines n’observación.

Per otru llau, podemos presentar les conclusiones del nuestru analís de situación con un auténticu clásicu del marketing como ye l’analís DAFO. L’analís DAFO cunta con cuatro variables que pueden clasificase como internes y esternes. Son les que vienen darréu:

  • Debilidaes (interna): Podemos detallar limitaciones de la organización como la falta de conocencia del usu de los medios sociales, la falta d’integración de la estratexa nos Social Media na estratexa global de marketing y comunicación, l’ausencia de oxetivos claros, de métriques, de recursos humanos. Tamién podemos citar equí los erros de comunicación nes redes sociales o directamente la falta de presencia n’elles.
  • Amenaces (esterna): Nesti casu vamos centranos más n’elementos esóxenos como l’actividá de la competencia nos medios sociales. Tamién equí pueden esistir otres variables qu’afecten al nuestru target como la crisis económica que reduz les nuestres ventes, l’apaición d’otros canales de comunicación nos que nun tenemos presencia (redes sociales nueves), etc.
  • Fortaleces (interna): Equí podemos analizar los aspectos nos que tengamos una ventaya competitiva de mano. Pueden ser cuestiones relatives a la calidá o’l preciu de los nuestros productos o servicios,  pero tamién el trabayu desarrolláu anantes en dellos medios sociales, l’aciertu de les nuestres campañes de marketing offline, la calidá de los nuestros diseños corporativos o la usabilidá del nuestru sitiu web. Trátase de desenvolver toolo que nos fai más fuertes col envís de caltener y perfeccionar eses acciones.
  • Oportunidaes (esterna): Agora vamos centranos no que podemos aportar col Plan de Social Media. Abrir comunidaes nes redes sociales nueves, internacionalizar la presencia de la nuestra marca, la creación d’aiciones que faigan rescamplar les nuestres campañes (concursos, promociones, xuegos o apps pa móviles, etc.), aforrar presupuestu en marketing gracies a los Social Media, y cualquier otru aspectu pol que pague la pena apostar, eso sí, de manera xustificada.

P’acabar, apurrimos un conseyu que nos puede valir pa que’l nuestro Plan de Social Media nun dea nun exerciciu lliterariu de mayor o menor fondura: hemos axuntar conclusiones al nuestru analís de documentos que, con cifres, sean a ilustrar la verdadera situación de la nuestra marca, de les tendencies y de la competencia. Pa ello nunca vien mal l’usu de ferramientes como les fueyes de cálculu.

Tabla de datos de análisis de situación

No hay comentarios Permalink

Di dalgo

Tu direccin de e-mail no ser publicada. Los campos obligatorios van marcaos en gris

Puedes utilizar estos atributos de HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>