Navegadores y estándares web

Hai dos elementos que fueron fundamentales a la hora d’esplicar como internet algamó’l nivel de popularidá d’anguaño: los navegadores y los estándares web.

Foi nel añu 1991 cuando Tim Berners Lee crea la primer páxina web, col envís d’esplicar el funcionamientu de WWW (Word Wide Web). Asina, los (escasos) visitantes de la páxina diben conocer elementos güei tan avezaos como l’hipertextu o’l procesu de creación páxines nueves.

Sábese que pa poder visitar páxines web necesítase un navegador que sea a interpretar los archivos descargaos dende internet, faciendo posible la llectura a los usuarios. Los primeros navegadores usábense n’ámbitos universitarios perpequeños y nun siguíen un estándar que permitiera l’espardimientu masivu d’estes tecnoloxíes.

Principales navegadores web

Principales navegadores web

El primer navegador e’espardese foi Mosaic (1992), orientáu a los primero a sistemes Unix. Un año depués desarrollase una versión  pa Windows. Pero foi Netscape Navigator el primer navegador n’algamar una popularidá bultable, al meyorar enforma’l rendimientu repectu a Mosaic.

En 1995 naz Internet Explorer pa, al poco, convertise nel navegador más popular aprovechando la so posición hexemónica nel mercáu de los Sistemes Operativos (esta práctica foi munches veces denunciada como competencia deslleal).

Darreo diben apaecer versiones nueves d’Internet Explorer y Netscape Navigator. Esti últimu dexó d’actualizase en 2008, lliberando’l códigu fonte y sirviendo de base pa la estrena d’un navegador de códigu abiertu abondo popular anguaño: Mozilla Firefox.

A lo llargo d’estos venti años apaecieron otros navegadores como Safari, Opera o Google Chrome,  tamién versiones modificaes y orientaes a la distribución de dispositivos distintos y marques comerciales.

Güei, Internet Explorer yá nun ye’l navegador más utilizáu y la so posición ocupóla Google Chrome. Nesti gráficu podemos facernos una idea del estáu actual de les coses nel (competitivu) mercáu de los navegadores web:

Estadística comparativa del uso de los navegores en el mundo

Estadística comparativa del usu de los navegadores nel mundu

Recalcar la revolución que truxo l’apaición de dispositivos como los teléfonos con accesu a internet (smartphones) o les tablets. Esto obligó a los desarrolladores de navegadores web y, especialmente, a los desarrolladores de sitios web, a adaptase a esta nueva realidá. Los principales navegadores del mercáu foron creando versiones orientaes a estos nuevos dispositivos y un númberu amañosu  de sitios web yá se desarrollen con versiones afayaes a móviles o tablets. N’otros casos escuéyese’l responsive web design (diseñu web adaptativu)  nos que un mesmu sitiu web vese distinto dependiendo’l dispositivu col que se tea viendo.

Diseño web responsive

Diseñu web adaptable o adaptativu

Pero si tenemos que destacar un axente modernizador a lo llargo d’estos años, éste sedría’l consorciu W3C. Según la so propia presentación:

El World Wide Web Consortium (W3C) ye una comunidá internacional que desarrolla estándares que aseguren el crecimientu de la Web a llargu plazu.

logotipo del consorcio W3C

Logotipo del Consorcio W3C

El rol del W3C tien una importancia capital y ye que foi l’encargáu de definir un conxunto de práctiques estandarizaes a la hora de facer sitios web. Les recomendaciones d’esti consorciu faen posible que los desarrolladores web de tol mundu tengan un patrón a la hora de codificar los sitios web. Esti patrón permite qu’una páxina web que siga eses recomendaciones pueda ser visualizada n’igualdá de condiciones por cualquier usuariu, independientemente del Sistema Operativu o el navegador que gaste.

A continuación incluinse dellos estándares web recomendados por W3C:

  • HTML: Llinguaxe de marques d’hipertextu. Ye un llinguaxe de marcáu con carga semántica que tolos navegadores del mercáu son a interpretar. Tamién tien una gran importancia n’ámbitos como’l posicionamientu orgánicu en buscadores (SEO) y l’accesibilidá web (permitiendo, por exemplu, l’accesu a los conteníos web a les persones discapacitaes). Anguaño los sitios web suelen desarrollase na especificación HTML5.
  • CSS: Fueyes d’estilu en cascada. Con elles podemos determinar l’apariencia de los conteníos d’un sitiu web (el diseñu). Nos últimos años tamién faen posible la xeneración de conteníos adaptables a móviles o tablets. La especificación actual de las hojas de estilo es CSS3.
  • DOM: Modelu d’oxetos del documentu. Esti estándar permite l’accesu y la manipulación de distintos elementos de una páxina web para, ente otres cosas, amañar la interacción del usuariu col sitiu web.

Hai otros elementos relacionaos colos estándares que nun dependen directamente de W3C, como Javascript, col que podemos controlar el comportamientu del sitio web énte determinados eventos o interacciones del usuariu. Nesti casu, la estandarización vien de la mano de Ecma International.

En resume, podríemos dicir que los estándares web son un instrumentu que nos permite facer conteníos y aplicaciones web independientes de la plataforma (sistema operativu) y el dispositivu, garantizando l’acceso a la mayoría de los usuarios de internet y la correcta comunicación ente aplicaciones distintes. Por exemplu, güei podemos “espetar” un vídeu de Youtube nun blog gracies al HTML5.

La oficina española de W3C allúgase nel parque tecnológicu de Xixón.

No hay comentarios Permalink

Di dalgo

Tu direccin de e-mail no ser publicada. Los campos obligatorios van marcaos en gris

Puedes utilizar estos atributos de HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>